Welkom op de site vaan de einegste echte Batjakkers.
Ut 5e sezoen is alweer begonne. Veer goon es Batjakkers us pripperere op de kaomende jaore op nao ut 5e Vastelaovendslustrum! Veer hole daorum eus instruminte oet de kis en goon mèt good ammezuur en väöl plezeer eus nuijje Vastelaovendssezoen in.
13 oktober 2023 waor eus 44-jaoreg bestaonszjubilei. In 2026 goon veer es God bleef weer veur de 47e kier mèt de Vastelaovend mèt en bestoon veer 46 jaor!
Bis diech 'nne gooje trommeleer...,
of wèls te mèt Vastelaovend mètblooze...?
Laot get vaan diech huure en kom 'ns nao eus rippeties,
want veer kinne diech en dien gezèlligheid good gebruuke!
Veur d'n vastelaovendskallepin en -informatie kint geer terech op www.tempeleers.nl .
Veur aander thema's klik g'r gewoen op e knupke.
Höb geer intresse in us, sjrief daan 'n e-mailke nao euze OpperBatjakker Jan Devens of bel häöm op tèllefoonnómmer 06-11645217 ... ouch veur bokinge, ideekes en wat daan ouch veur vräögskes euver us ...
Loert en huurt... Veer zien d'r mèt èn ouch boete Vastelaovend!
Veer es Batjakkers zien bekans ut ganse jaor prezent. ... en noe alweer bezig mèt de Vastelaovendspripperasie 2026!
Kiek regelmaoteg in euze kallepin!
Eus site blijf altied in oontwikkeling... Zeet geer fäötsjes, e-mail die daan door nao eus Brevebös...
Zeet geer 'nne daotum of e jaortal neet bij eus fotocollages? Daan zien dao (nog) gein foto's vaan bekind of gepubliceerd. Die höb geer mesjiens?!
Höb geer foto's, filmpkes, geluidsopnames vaan of euver us veur us? Sjik ze daan nao ut e-meel-adrès vaan euze brevebös (rechstreeks kleiner daan 5 MB òf via wetransfer.com tot 2 GB). Daanke!
Veer zien d'r ouch boete Vastelaovend! Volg euze kallepin.
Weer of gein weer... Vastelaovendssnuutskes höbbe veer allemaol...
Eus foto's weure (hopelik ouch door uuch) regelmaoteg weer aangevöld...
Oppe jaorvergadering vaan de Zaate Hermeniekes is oppe 19e jannewarie 2026 uzze Batjakker Guido door de Tempeleers verseerd mèt de Prinseleke medalje "'t Perfesserke" en daomèt benump tot Verdeenstelek Vastelaovendsvierder 2026. Supersjiek. 2 daog later is Guido nog steeds verpópzak!
De Tempeleers dinke ouch aon us!
Hopelek kriege dit jaor nog aander lede 'n medalje opgespangk.
Intösse goeje veer us dedoor. Geer ouch?
